Көндезге тору бүлегендә катнашучыларны социаль-көнкүреш тернәкләндерү
Бүген Яр Чаллы шәһәренең «Изгелек» инвалидларны тернәкләндерү үзәгендәге көндезге тору бүлегендә социаль хезмәтләр алучылар өчен «Оста хуҗабикә» дәресе үткәрделәр. Чара социаль хезмәтләр алучыларны социаль-көнкүреш тернәкләндерү кысаларында оештырылды.
Чара башында белгеч пычак белән эшләгәндә куркынычсызлык кагыйдәләрен искә төшерде. Аннары мастер-класста катнашучылар эш урыннарын әзерләделәр, үз бакчаларыннан китерелгән яшелчәләрне юдылар һәм чистарттылар. Хезмәт буенча инструктор помидор, кыяр һәм яшелчәләрне ничек кисәргә икәнен күрсәтте. Социаль хезмәт алучылар барлык ингредиентларны кисеп, тоз, борыч өстәп, үсемлек мае белән болгаттылар. Өстәл әзерләгәннән соң, салатны тәлинкәләргә бүлделәр һәм ашап карадылар.
Чара ахырында сәламәт туклану һәм яхшы уңыш алу өчен яшелчәләрне ничек карау турында сөйләштеләр.
Чарада сигез кеше катнашты.