Гражданлык җәмгыятен үстерүгә грантлар бирү конкурсында катнашу өчен гаризалар кабул итү дәвам итә

2023 елның 9 июненнән 23 июленә кадәр «Социаль юнәлешле коммерциячел булмаган оешмаларга ярдәм итү буенча республика ресурс үзәге» автоном коммерциячел булмаган оешмасы тарафыннан гражданлык җәмгыятен үстерүгә Татарстан Республикасы грантларын бирү конкурсында катнашуга гаризалар кабул ителә.

Гаризалар электрон формада «Грант конкурсы» мәгълүмат системасы (https://грантытатарстана.рф/) аша түбәндәге юнәлешләр буенча кабул ителә:

1. социаль хезмәт күрсәтү, социаль ярдәм һәм гражданнарны яклау;

2. гражданнарның сәламәтлеген саклау, сәламәт яшәү рәвешен пропагандалау;

3. гаилә, аналык, аталык һәм балачакка ярдәм;

4. гамәлгә ашыруы «Коммерциячел булмаган оешмалар турында» 1996 елның 12 гыйнварындагы 7-ФЗ номерлы Федераль законның 311 статьясында каралган эшчәнлек төрләрен үз эченә алган яшьләр проектларына ярдәм итү;

5. яшьләр арасында социаль тискәре күренешләрне профилактикалау;

6. фән, мәгариф өлкәсендәге проектларга ярдәм итү;

7. балаларны һәм яшьләрне патриотик тәрбияләү;

8. мәдәният һәм сәнгать өлкәсендәге проектларга ярдәм итү;

9. мәдәният һәм сәнгать өлкәсендә яшь талантларны ачыклау һәм аларга ярдәм итү;

10. тарихи хәтерне саклау;

11. кеше һәм гражданның хокукларын һәм ирекләрен яклау, шул исәптән тоткыннарның хокукларын яклау;

12. әйләнә-тирә мохитне саклау һәм хайваннарны саклау;

13. халыкны һәм территорияләрне гадәттән тыш хәлләрдән саклау, янгын куркынычсызлыгын һәм су объектларында кешеләрнең иминлеген тәэмин итү;

14. милләтара һәм динара татулыкны ныгыту;

15. татар милли мәдәниятен үстерү һәм традицияләрне саклау (шулай ук РФнең башка субъектларыннан КБО да катнаша ала);

16. Татарстан Республикасында яшәүче халыкларның телләрен саклау һәм үстерү өчен шартлар тудыру;

17. чит ил гражданнарының (мигрантларның) социаль һәм мәдәни адаптациясе һәм интеграциясе;

18. Татарстан Республикасында этномәдәни һәм тел төрлелеген саклау һәм үстерү;

19. иҗтимагый дипломатияне үстерү һәм ватандашларга ярдәм итү;

20. гражданлык җәмгыяте институтларын үстерү;

21. махсус хәрби операциядә катнашучыларның гаиләләренә һәм өлешчә мобилизацияләү буенча хәрби хезмәткә чакырылган гражданнарга ярдәм итү.

Конкурсның гомуми грант фонды 106,6 млн сум тәшкил итә.

Һәр коммерциячел булмаган оешма бер генә гариза бирә ала, соралган грант суммасы 3 млн сумнан артмаска тиеш.

Грант операторның элемтәләре: 420111, Татарстан Республикасы, Казан шәһәре, Мәскәү урамы, 15, 223 нче бина, rrc@nkort.ru, телефон: 8 (987) 262-40-68 (Мирсаяпова Гүзәл Рафис кызы).