Мәшгульлек үзәге белгечләре Арчаның «Шәфкать үзәгендә» һөнәри юнәлеш бирү чарасы үткәрделәр

2023 елның 24 июле, дүшәмбе

21 июльдә Арча районы халыкны эш белән тәэмин итү үзәге хезмәткәрләре «Шәфкать үзәге» халыкка социаль хезмәт күрсәтү комплекслы үзәгенең көндезге тору бүлегендә социаль хезмәт алучылар өчен һөнәри юнәлеш бирү чарасы үткәрделәр.

Мәшгульлек үзәге белгечләре эшкә урнашу мәсьәләләре буенча әңгәмә үткәрделәр, хезмәт базарында кирәкле һәм актуаль вакансияләр, яңадан уку һәм эшче белгечлеге алу мөмкинлекләре турында сөйләделәр. Катнашучыларның фикерләү эшчәнлеген активлаштыру өчен эшнең иң нәтиҗәле формалары һәм ысуллары кулланылды, мәсәлән, уеннар. Һөнәри юнәлеш бирү тесты ярдәмендә һәр катнашучы һөнәр сайлауга кагылышлы сорауга җавап ала алды.

Чара ахырында оештыручылар катнашучыларны бүләкләр белән сөендерделәр.