«Изгелек» үзәге тернәкләнүчеләре баскетбол нигезләре белән таныша

2023 елның 24 июле, дүшәмбе

21 июльдә Яр Чаллы шәһәренең «Изгелек» инвалидларны тернәкләндерү үзәгенең спорт мәйданчыгында физик һәм психик тайпылышлары булган яшьләр өчен саф һавада чара оештырылды. Ул Махсус Олимпиадага әзерлек кысаларында үткәрелде.

Чара башында инструктор җиңелчә разминка үткәрде. Социаль хезмәтләр алучыларга баскетбол тубын кабул итү, тапшыру, алып бару техникасы күрсәтелде. Аннары баскетбол элементлары белән хәрәкәтчән уен үткәрелде. Яшьләр дәртләнеп уенга кушылалар, яхшы кәеф алдылар һәм баскетбол тубын кабул итү һәм йөртү техникасын үзләштерделәр.

Чарада алты кеше катнашты.