«Кама таңнары» приютында тәрбияләнүчеләр беренче ярдәм күрсәтергә өйрәнделәр

2023 елның 18 июле, сишәмбе

Шушы көннәрдә Менделеевск районындагы «Кама таңнары» социаль приютында педагоглар Вера Нетребина һәм Энҗе Хәсәншина шәфкать туташы Ираида Доровских белән берлектә «Беренче ярдәм күрсәтү» дигән практик дәрес-тренинг үткәрделәр.

Балаларга электр тогы белән зарарланганда, янгыннар, җәрәхәтләр һәм кан китүләр, баш, аяк-кул җәрәхәтләре, кинәт аңны югалту вакытында беренче ярдәмне ничек күрсәтергә кирәклеге турында сөйләделәр. Аннары балалар яраны дөрес эшкәртергә, шина куярга өйрәнделәр. Шулай ук алар үзләре беренче ярдәм күрсәтергә тырыштылар.