Алабугада «Социаль дус» проекты гамәлгә ашырыла
«Ышаныч» халыкка социаль хезмәт күрсәтү комплекслы үзәге каршындагы «Алабуганың көмеш волонтерлары» отряды активистлары «Социаль дус» социаль проектын тормышка ашыру кысаларында оештырылган чираттан тыш очрашу үткәрделәр. Проект район Ветераннар советы белән партнерлыкта эшләнгән һәм 2022 елда Татарстан Республикасы Министрлар Кабинеты грантын алган.
«Социаль дус» проектының максаты – актив өлкән яшьтәге гражданнарны аз хәрәкәтләнүче, ялгыз һәм ялгыз яшәүче өлкән яшьтәге социаль хезмәтләр алучыларга мөмкин кадәр ярдәм күрсәтүгә җәлеп итү.
Очрашу барышында проект командасы «көмеш» волонтерларны мозаика, Г. Доман методикасы буенча тактиль туплар, лабиринтлар, пирамидалар, өстәл уеннары белән эшләү үзенчәлекләре белән таныштырды. Һәр волонтер ялгыз өлкәннәр белән эшләү тәҗрибәсе белән уртаклашты.