Алабуга интернат-йортының тәрәзәләре бәйрәмгә бизәлде
Алабуганың өлкәннәр һәм инвалидлар өчен интернат-йорты хезмәткәрләре һәм тәрбияләнүчеләре «Җиңү тәрәзәләре» Бөтенроссия патриотик акциясендә катнаштылар. Аның максаты – бәйрәм атмосферасын булдыру, Бөек Ватан сугышы геройларына рәхмәт белдерү.
Интернат-йортның тәрәзәләре Җиңү символикасы белән рәсемнәр һәм төрле елларда интернат-йортта яшәгән ветераннарның фотолары белән бизәлде.
Шулай ук Җиңү көне белән сугыш чоры балалары булган социаль хезмәт алучыларны котладылар һәм аларга Алабуга муниципаль районы башлыгы Рөстәм Нуриевтан бүләкләр тапшырдылар.
«Аталарыбыз җырлары» акциясе кысаларында, аны Җиңү көне алдыннан «Аталар берлеге» бөтенроссия иҗтимагый оешмасы башлап җибәрде, интернат-йортта яшәүче Елена Әминова һәм Татьяна Чабан сугыш еллары җырларын башкардылар.