Алабуга интернат-йортында Карау мәктәбе эшли башлады
«Демография» милли проектын һәм озак вакыт карау системасы чараларын гамәлгә ашыру кысаларында Алабуга өлкәннәр һәм инвалидлар өчен интернат-йортында эчке Карау мәктәбе ачылды. Аның программасы 12 дәрестән тора, ул өлкән шәфкать туташы Валентина Недопекина «Социаль хезмәт күрсәтү оешмалары персоналын аз хәрәкәтләнүче һәм хәрәкәтләнмәгән өлкән яшьтәге һәм инвалид гражданнарны карау күнекмәләренә өйрәтү технологиясе. Аз хәрәкәтләнүче һәм мобиль булмаган гражданнарның техник тернәкләндерү чаралары ярдәмендә һәм ярдәменнән башка куркынычсыз хәрәкәт итү нигезләре практик күнекмәләре» семинарында узган укыту базасында төзелгән.
Кече медицина персоналы өчен дәресләр аз хәрәкәтләнүче гражданнарны карауның төрле өлкәләрен колачлый. Алар теория һәм практиканы берләштерәчәк.
Беренче дәрестә ярдәмче чаралар кулланып аз хәрәкәтләнүче кешене кресло-коляскадан караватка күчереп утырту күнекмәләрен өйрәнделәр.
