«Здравушка» тернәкләндерү үзәгендә сугышчан дан урыннары буенча виртуаль экскурсия узды

2023 елның 19 гыйнвары, пәнҗешәмбе

18 гыйнварда Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә сугышчан дан урыннары буенча виртуаль экскурсия уздырылган. Чара Сталинград сугышында совет гаскәрләренең немец-фашист гаскәрләрен җиңүенә 80 ел тулуга багышланган иде.

Җыелганнарга күп кенә истәлекле урыннар күрсәтелде. Һәр скульптура, барельеф турында җентекләп сөйләнде, ә видеотабло ярдәмендә тамашачылар һәйкәлләрне игътибар белән карый алды.

Чара яшь буынны патриотик тәрбияләүгә ярдәм итте, совет сугышчыларының сугышчан дан тарихы, аларның батырлыгы белән танышырга мөмкинлек бирде.