Зәйдә «Интернет – куркынычсыз киңлек» викторинасы узды
17 нче гыйнварда Зәй районы «Шатлык» халыкка социаль хезмәт күрсәтү комплекслы үзәгенең 60 тан артык балигъ булмаган социаль хезмәтләр алучылары өчен «Интернет – куркынычсыз киңлек» дигән темага интерактив викторина уздырылды. Чара «Космос» киноучреждениесе базасында, ведомствоара ярдәм кысаларында оештырылды.
Катнашучыларга Интернетның файдасы һәм зыяны, онлайн-кырда үз-үзеңне тотуның төп кагыйдәләре, психик һәм физик сәламәтлекне, үзеңне һәм шәхси мәгълүматларыңны саклау өчен киңәшләр үтәү кирәклеге турында сөйләделәр.
Чара Гражданнарның компьютер грамоталылыгын һәм кибер-куркынычлардан саклану ысуллары турында хәбәрдарлыкны арттыру буенча комплекслы планны үтәү кысаларында үткәрелде.
Ахырда балалар һәм яшүсмерләргә мультипликацион фильм күрсәтелде, аны катнашучылар бик теләп карадылар.