«Балкыш» приютында тәрбияләнүчеләр «Йортчылык» түгәрәгендә шөгыльләнәләр

Түбән Кама районының «Балкыш» балалар һәм яшүсмерләр өчен социаль приютында даими рәвештә «Йортчылык» түгәрәге дәресләре уза. Балалар пешерергә өйрәнеп кенә калмый, дөнья халыклары ашлары һәм гореф-гадәтләре белән дә таныша.

Мәсәлән, дәресләрнең берсендә балалар татар милли ризыгы – бәлеш белән таныштылар. Яңа ел каникулларында «Наполеон» торты пешерделәр һәм бергәләшеп чәй эчтеләр. Шулай ук бер дәрестә җиләк-җимеш салаты да әзерләнгән иде.

Тәрбияче Анастасия Роднина сүзләренчә, түгәрәк дәресләрендә алынган күнекмәләр балаларга киләчәктә мөстәкыйль тормышта кирәк булачак.