Яңа Чишмә интернат-йортында Яңа ел тамашасы

2022 елның 30 декабре, җомга

Яңа Чишмә өлкәннәр һәм инвалидлар өчен интернат-йортында күптән көтелгән Яңа ел кичәсе узды. Интернат-йорт белгечләре күңелле музыкаль чара үткәрделәр.

Социаль хезмәт алучылар җитәкче Залина Лизуновадан интернат-йорт тормышында актив катнашканнары өчен рәхмәт хатлары һәм бүләкләр алдылар. Шулай ук эчке волонтерларның ярдәмен билгеләп үттеләр, яшәүчеләргә Яңа ел бүлмәләрен бизәгән өчен аерым призлар тапшырылды.

Әби-бабайлар шигъри, музыкаль конкурсларда катнаштылар, биеделәр һәм җырладылар. Ә ахырда, гадәттәгечә, Яңа ел лотереясы узды. Кыш Бабай һәркемгә Түбән Кама балалар йортыннан килгән исемле бүләкләр тапшырды. Шулай ук барысын да район волонтерлары бүләк иткән мандариннар белән сыйладылар.