«Чишмә» үзәгендә янгын куркынычсызлыгы буенча өйрәнү тренировкасы узды
«Чишмә» халыкка социаль хезмәт күрсәтү комплекслы үзәге белгечләре кышкы янгын куркынычы чоры башлану уңаеннан хезмәткәрләрне эвакуацияләү буенча планлы тренировка үткәрделәр. Чара Россия Гадәттән тыш хәлләр министрлыгының Баш идарәсенең Татарстан Республикасы буенча Күзәтчелек эшчәнлеге һәм профилактика эшләре идарәсенең Саба һәм Теләче муниципаль районнары буенча Күзәтчелек эшчәнлегенең районара бүлегенең янгын бүлеге начальнигы Мансур Шәрипов белән берлектә үткәрелде.
Чараның төп максаты – янгын һәм башка гадәттән тыш хәлләр шартларында персоналның гамәлләргә әзерлек дәрәҗәсен камилләштерү, персоналның тиз һәм төгәл карарлар кабул итү һәм янгыннарның куркыныч нәтиҗәләрен кисәтү өчен кирәкле гамәлләрне башкару өчен кирәкле тотрыклы күнекмәләрен алу.
Чара кысаларында максатчан инструктаж үткәрелде, хезмәткәрләрнең белемнәре тикшерелде. Эвакуация оешкан төстә, паникасыз һәм куркынычсызлык таләпләрен бозмыйча үтте. Тренировка максатлары үтәлде, янгынга каршы автоматик сигнализация системасы вакытында эшләде.