Көндезге төркемгә йөрүчеләр өчен бәйрәм чарасы оештырылды

2022 елның 28 декабре, чәршәмбе

27 декабрьдә «Тәтеш балкышы» халыкка социаль хезмәт күрсәтү комплекслы үзәге белгечләре «Форпост» җәмәгать тәртибен саклау буенча яшьләр үзәге белән берлектә көндезге төркемгә йөрүче яшьләр өчен бәйрәм оештырдылар.

Социаль хезмәт алучылар үз куллары белән Яңа ел уенчыгы ясадылар, бию флешмобында һәм фотосессиядә катнаштылар. Чарада катнашучыларның барысы да бүләкләр алдылар.

Яшьләр һәм аларның туганнары уңай эмоцияләр алдылар. Социаль хезмәт алучыларның бәхетле йөзләре – чараны оештыручылар өчен дә иң яхшы бүләк.