«Кама таңнары» социаль приютына телевизор бүләк иттеләр

2022 елның 27 декабре, сишәмбе

«Время побед» АКБО авыр һәм куркыныч тормыш хәлендә калган яшьләр һәм балигъ булмаганнар белән эшли. Оешманың эшчәнлеге социаль адаптациядә ярдәм күрсәтүгә юнәлдерелгән.

«Время побед» АКБО ярдәмендә Менделеевск муниципаль районындагы «Кама таңнары» балалар һәм яшүсмерләр өчен социаль приютында тәрбияләнүчеләрнең интерактив дәресләр өчен зур телевизоры булды. Ул актлар залында үз урынын алды. Аның ярдәмендә яңа белемнәр алырга, презентацияләр, танып белү фильмнары күрсәтергә мөмкин, ә зур экранда мультфильмнар карау балаларда бик күп уңай эмоцияләр тудыра.