Волонтерлар һәм «Веста» үзәге инвалид балалар өчен акция үткәрде
Түбән Каманың «Веста» гаиләгә һәм балаларга социаль ярдәм үзәге белгече Ләйсән Сунеева Түбән Кама медицина көллияте волонтерлары белән берлектә сәламәтлеге чикләнгән дүрт бала өчен «Минем туган көнемдә» дигән акция уздырдылар.
Волонтерлар инвалид балаларны сөендерүне дәвам итәләр. Бу юлы алар кызыклы клоуннар булып килделәр, уеннар һәм конкурслар үткәрделәр. Балалар һәм аларның әти-әниләре белән бергә клоуннар җырлар җырладылар, җылы теләкләр әйттеләр, бүләкләр тапшырдылар. Балалар, үз үзенчәлекләренә карамастан, барлык биремнәрне дә үтәделәр.
Волонтерлар шатлык һәм җылылык атмосферасын тудырдылар, өлкәннәр һәм балалар бәйрәм, күңелле һәм могҗизалы кәеф дөньясына чумдылар. Ата-аналар волонтерларга һәм «Веста» үзәге белгеченә игътибарлары өчен рәхмәт белдерделәр, киләчәктә дә уңышлар теләделәр.