Мамадыш районында балалар өчен һөнәри юнәлеш бирүче чара уздырдылар

2022 елның 15 ноябре, сишәмбе

14 нче ноябрьдә Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре мәшгульлек үзәге хезмәткәрләре белән берлектә һөнәри юнәлеш бирү буенча чара уздырдылар. Чара Балачак унъеллыгы чаралары планы кысаларында оештырылды.

Мондый дәресләр төрле һөнәрләр турында күзаллау формалаштыруга, укучыларда белем алуга кызыксыну уятуга ярдәм итә. Мәшгульлек үзәге директоры Ләйлә Хөснуллина үзәк буенча экскурсия үткәрде һәм балаларга һөнәр төре буенча сәләтләрен билгеләүгә тест узарга тәкъдим итте. Соңыннан балалар төрле белгечлекләр турында видеоролик карадылар.