«Өмет» үзәге карамагындагылар тренировка фатирында ашарга пешерергә өйрәнгәннәр
Бүген Биектау районы «Өмет» халыкка социаль хезмәт күрсәтү комплекслы үзәгенең тренировкалар фатиры чираттагы мәртәбә кулинария экспериментлары мәйданчыгына әверелде.
Көндезге тору төркеменең социаль хезмәт алучылары яшелчәләрдән рагу пешерергә өйрәнделәр.
Эшкә керешер алдыннан үзәк карамагындагылар инструкция белән таныштылар һәм кирәкле ингредиентлар әзерләделәр. Учреждение белгечләре яшьләр өчен куркынычсызлык техникасы буенча инструктаж үткәрде һәм аларга вазыйфаларны бүләргә булышты. Кайберләре яшелчәләрне юып, чистарттылар, икенчеләре кистеләр, өченчеләре эш зонасының чисталыгын күзәттеләр.
Эш вакытында кыенлыклар туды, шуңа да карамастан, дәрестә катнашучылар барлык биремнәрне зур җаваплылык белән үтәделәр.
Нәтиҗә өметләрне аклады. Бергәләп эшләгәннән соң, үзәк карамагындагылар тату өстәл алдында ашадылар һәм үз куллары белән әзерләнгән файдалы ризыктан канәгать калдылар.
Яшьләр командада пешерүнең күңелле һәм мавыктыргыч булуын таныды һәм янә кулинария экспромтларында катнашырга өмет белдерде.