Лаеш тернәкләндерү үзәгендә һөнәри юнәлеш бирүче чара узды

2022 елның 3 ноябре, пәнҗешәмбе

Лаеш мөмкинлекләре чикле балалар һәм яшүсмерләр өчен тернәкләндерү үзәгендә волонтер-студентлар булды. Алар үзәктә тәрбияләнүчеләргә «Бармак эзеннән нәрсә белергә була?» дигән һөнәри юнәлеш бирү программасын тәкъдим иттеләр.

Лаеш техник-икътисад техникумының юридик бүлеге студентлары үзләренең көннәре, конкурслардагы уңышлары турында сөйләделәр. Шулай ук яшүсмерләргә дактилоскопия буенча мастер-класс күрсәттеләр.

Кечкенә төркем дә бүләксез калмады. Балалар өчен рәсем ясау буенча мастер-класс үткәрелде.

Чара «Көзге игелек атнасы» акциясе кысаларында үткәрелде.