«Здравушка»да ишарә телендә аралашырга өйрәнделәр

2022 елның 27 сентябре, сишәмбе

Шушы көннәрдә Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә Халыкара ишарә телләре көненә багышланган тематик чара узган. Учреждение белгечләре балаларга ишарә телләре көне – барлык ишетмәүче кешеләрнең мәдәни төрлелеген һәм тел үзенчәлеген саклау һәм яклау өчен уникаль мөмкинлек, дип сөйләделәр.

Балалар һәм ата-аналарга интерактив экранда ишарә теленең төп элементлары турында видео күрсәттеләр, бу ишарәләр начар ишетә торган кешеләр һәм башка ишарә телен кулланучылар белән аралашу вакытында ярдәм итә ала.