Кукмара тернәкләндерү үзәге МАТР программасын тормышка ашыра

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә Махсус Олимпиадага әзерлек планын тормышка ашыру кысаларында МАТР программасы буенча спорт чарасы узган.

Үзәктә тәрбияләнүчеләр өчен спорт бәйгеләре, уеннар, биюләр һәм җырлар әзерләнде.

«Яхшы кәефтән тыш мондый конкурслар физик активлыкны үстерергә ярдәм итә, сәламәт яшәү рәвешен алып барырга өйрәтә, интеллект һәм зирәклекне үстерә, – дип билгеләп үтә белгечләр. – Иң мөһиме, чарада катнашучыларның барысы да күңел күтәренкелеге һәм күп уңай эмоцияләр алды».