Иң күп эштән китүчеләр - икътисад эшчәнлеге тармагыннан

2013 елның 10 июле, чәршәмбе
ТР Хезмәт, халыкны эш белән тәэмин итү һәм социаль яклау министрлыгы күзәтүенә караганда,  3 нче июльдән алып 9 нчы июльгә чаклы булган хисап атнасында  эшсез дип танылганнар арасыннан 100 кеше  икътисад эшчәнлеге тармагына караган эшеннән азат ителгән. Моңа охшаш хәл икътисадый эшчәнлекнең  башка төрләрендә  дә  очрый. Мисал өчен, күмәртәләп һәм берәмләп сәүдә итү һәм эшкәртүче җитештерү тармакларында 82 шәр кеше эшсез дип билгеләнгән.    Башка тармакларга мөнәсәбәттә караганда эшеннән азат ителгәннәр саны болайрак бүленә: дәүләт идарәсе – 31, мәгариф – 30, күчемсез милек белән операцияләр – 30, төзелеш – 25, транспорт һәм элемтә – 20, социаль-коммуналь шәхси хезмәтләр күрсәтү – 20, авыл хуҗалыгы, аучылык, урман хуҗалыгы – 18, сәламәтлек саклау – 16, кунакханә һәм ресторан бизнесы – 8, файдалы казылмалар табу – 8, электроэнергия, газ, су  җитештерү һәм тарату – 7. Балыкчылык тармагында исә бер генә эштән китү очрагы да теркәлмәгән.

Хисап атнасы барышында исә 693 кеше эшсез дип танылган. Эшләреннән азат ителүчеләрнең 257се хезмәт вазыйфаларын үз теләкләре белән калдырып киткән. 173 кеше  исә оешма таралу яки штат кыскартылу сәбәпле эшсез калган.

Министрлыкның матбугат хезмәте үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык
Документлар
Матбугат хезмәте
Гражданнарның мөрәҗәгатьләре
Адрес: 420044, Казан шәһәре, Волгоград урамы, 47
Телефон: кайнар элемтә: 8-800-100-00-01, 557-21-12 (Халык белән эшләү секторы)
Факс: +7 (843) 523-90-74
E-Mail: mtsz@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International