«Исток-Башлангыч» үзәге карамагындагы балалар өчен «Иҗади остаханә»

2022 елның 5 сентябре, дүшәмбе

Шушы көннәрдә Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре Лилия Зарифуллина һәм Зилә Мөдәрисова «Иҗади остаханә» дигән чара уздырганнар.

Көндезге бүлектә катнашучылар ирекле темага аппликацияләр ясадылар. Социаль хезмәт алучылар иҗади эштә бик теләп катнаштылар, үзләренең фантазияләрен күрсәттеләр.

Чара иҗади сәләтне һәм хыялны үстерергә, стресслы һәм борчулы халәтне бетерергә ярдәм итте.