Социаль-мохит җайлашуы буенча практик дәрес
Зәй районы «Шатлык» халыкка социаль хезмәт күрсәтү комплекслы үзәге базасында «Демография» милли проектын тормышка ашыру кысаларында когнитив тайпылышлары булган өлкән яшьтәге гражданнар һәм инвалидлар өчен көндезге бүлектә «Автобуста йөрү» дигән темага социаль-мохит җайлашуы буенча дәрес уздырылган.
Социаль-көнкүреш һәм социаль-мохит җайлашу буенча барлык дәресләр теоретик һәм практик өлешләрне үз эченә ала. Башта бүлек белгечләре социаль хезмәтләр алучылар белән җәмәгать транспортыннан файдалану кагыйдәләре, юл хәрәкәте кагыйдәләре һәм җәмәгать урыннарында үз-үзеңне тоту кагыйдәләре турында сөйләштеләр, аннары гына шәһәр транспорты маршрутын өйрәнергә тотындылар.
Автобус тукталышында бүлек укучылары маршрут тактасы буенча автобусның ничек хәрәкәтләнүен, башлангыч һәм ахыргы тукталышларның ничек аталуын, шулай ук автобус хәрәкәте расписаниесен өйрәнделәр.
Дәрес барышында хезмәт алучылар машина йөртүче һәм кондуктор һөнәрләре белән таныштылар, автобуста түләү вариантлары һәм куркынычсызлык техникасы белән таныштылар.