«Шатлык» приютында тәрбияләнүчеләр стюардесса һөнәре турында белделәр
ТР Питрәч муниципаль районында «Шатлык» балалар һәм яшүсмерләр өчен социаль приютында тәрбияләнүчеләр белән һөнәри юнәлеш бирү эше дәвам итә.
Һөнәри юнәлеш бирү программасын тормышка ашыру кысаларында приют белгечләре чит ил авиакомпаниясе стюардессасы Евгения Павлова белән очрашу-әңгәмә уздырдылар. Евгения балалардан яраткан һөнәрләрен атауларын сорады, шулай ук очучылар турында сөйләде.
Кунак очучыларга таләпләрне санап чыкты: сәламәтлек, инглиз телен белү, аралашу, стресска каршы тору. Бу һөнәрне өч ай дәвамында өйрәнергә мөмкин. Укыту программасы сервисны үзләштерүне генә түгел, медицина ярдәме һәм хәтта психология нигезләрен дә үз эченә ала.
Балаларга очрашу ошады, алар бу һөнәр турында күп кенә кызыклы нәрсәләр белделәр. «Без балаларны төрле һөнәрләр белән таныштырырга тырышабыз. Әлбәттә, бу яшьтә профессиональ үз-үзеңне билгеләү турында сүз дә була алмый. Ләкин бу эзләү вакыты, шуңа күрә һөнәри юнәлеш чараларына теге яки бу һөнәр ияләрен җәлеп итү мөһим. Экспертлар белән аралашканда, балалар үзләренең сәләтләрен һәм мәнфәгатьләрен тиңләштерергә өйрәнәләр», – дип билгеләделәр приют тәрбиячеләре.