«Тәтеш балкышы» Республика көненә әзерләнә
«Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре Республика көненә багышланган «Минем яраткан ягым» дигән чара уздырганнар.
Дәреснең максаты – патриотизм, үз Ватаны өчен хөрмәт һәм горурлык хисе тәрбияләү.
Белгечләр балаларга республикабызның төп символлары – флаг һәм герб турында сөйләделәр. Чарада катнашучылар Ватан турында шигырьләр сөйләделәр, табышмакларга җавап бирделәр, дуслык турында җырлар тыңладылар, төрле уеннар уйнадылар.
Татарстан – илнең иң бай төбәкләреннән берсе. Дуслык һәм үзара аңлашу, барысы турында кайгырту, туган җиргә мәхәббәт, өлкәннәргә хөрмәт – болар барысы да күпмилләтле республикада тынычлыкны сакларга ярдәм итә.
Дәрес барышында балалар үз куллары белән татар милли баш киемнәре – түбәтәй ясарга өйрәнделәр, ә аннан соң үзләренең түбәтәйләрен милли татар бизәкләре белән бизәделәр.