«Кама таңнары»нда Курск сугышы турында сөйләделәр
«Кама таңнары» балалар һәм яшүсмерләр өчен социаль приютында патриотик юнәлешле чара узды: биредә Россиянең Хәрби дан көнен билгеләп үттеләр.
Менделеевскиның «Кама таңнары» приютында тәрбияләнүчеләр өчен педагоглар М. Куликова һәм С. Биктимирова илнең героик тарихы турында сөйләделәр: балаларга Бөек Ватан сугышының иң мөһим сугышларының берсе – Курск сугышы турында сөйләгәннәр.
Чара кысаларында балалар приютның хәрби дан музеенда булдылар, Бөек Ватан сугышы чоры белән бәйле материалларны һәм экспонатларны өйрәнделәр.
Экскурсия барышында Җиңү коралына аерым игътибар бирелде: приют тәрбиячеләре «Илюшин» ИЛ–2м-3 самолет-штурмовиклары һәм Т-34 совет танклары турында сөйләделәр.
Шулай ук балалар хәрби тематикага язылган китапларга иллюстрацияләрне карадылар, сугышның төп фактларын истә калдырдылар, танклар ясадылар һәм кәгазьдән самолетлар җибәрделәр.