«Менделеевск – 55»: «Кама таңнары»нда шәһәр юбилеен билгеләргә әзерләнәләр

2022 елның 23 августы, сишәмбе

Балаларга туган шәһәргә мәхәббәт тәрбияләү һәм Менделеевскиның барлыкка килү тарихы белән танышу максатыннан «Кама таңнары» балалар һәм яшүсмерләр өчен социаль приютында тематик юбилейга багышланган флешмоб оештырылды.

«Менделеевск – 55» флешмобының инициаторы приют тәрбиячесе С. Биктимирова булды.

Педагоглар белән бергә балалар асфальтта акбур белән «Менделеевск – 55» эмблемасын ясадылар.

«Төсле акбурлар белән рәсем ясау, кәгазьдә түгел, ә асфальтта ясау – кечкенә рәссамнар өчен бәхет», – дип билгеләде педагог.

Балалар мондый флешмобтан бик канәгать калдылар, шуңа күрә аларның көне юкка узмады: «Кама таңнары» приюты карамагындагыларның күтәренке кәефе – «Кама таңнары» хезмәткәрләренең бурычы.