Яңа Чишмә интернат-йортында Россия флагы көнен билгеләп үттеләр

Бүген Яңа Чишмә өлкәннәр һәм инвалидлар өчен интернат-йортында волонтерлар Россия флагы көненә багышланган мастер-класс үткәрделәр.

Үзәк район китапханәсе волонтерлары чәчәкләрдән аппликация ясау буенча дәрес үткәрделәр, социаль хезмәт алучылар белән Россия символикасы, флагның төсләре әһәмияте турында әңгәмә кордылар.

Мастер-классны танып-белү максатларында гына үткәрмәделәр, ә интернат-йортта яшәүчеләрне үз куллары белән төрле аппликацияләр ясарга өйрәтү өчен дә уздырдылар.

Моннан тыш, коллективта уртак эш алып бару аларда җаваплылык хисе һәм уңай эмоцияләр тудыра.