«Кама таңнары» Менделеевск юбилеена әзерләнә
Менделеевскиның «Кама таңнары» социаль приютында тәрбияләнүчеләр өчен шәһәрнең булачак юбилеена багышланган чара уздырылган. Балаларга шәһәр тарихы турында сөйләп кенә калмадылар, ә аның иң әһәмиятле урыннары буенча экскурсия дә оештырдылар.
Шәһәр турында кызыклы фактлар турында педагоглар Куликова М.В. һәм Биктимирова С.Г. сөйләделәр.
Балаларны бигрәк тә Камашево бистәсенең барлыкка килү тарихы кызыксындырды.
Ул XVIII гасыр ахырында император I Павел идарә иткән чорда барлыкка килә. Коллеж асессоры Николай Иванович Камашевка Туйма елгасы янында җир бирелә. Башта авыл, аннары Камашево бистәсе барлыкка килә.
1967 елда бистә Менделеевск составына керә.
Мәгълүмати-тарихи сәгатьтән соң «Кама таңнары» приюты балалары шәһәр буйлап сәяхәткә чыктылар.
Алар Интернационалистлар аллеясында, Әфганстанда һәм Чечняда һәлак булган сугышчылар мемориалында, Чернобыль АЭСындагы һәлакәте һәм радиация аварияләре корбаннары мемориалында булдылар.
Әлбәттә, балаларга Дуслык паркының батут комплексында күңел ачу һәм Менделеевскиның тагын бер истәлекле урыны булган «Радужный» фонтаны ошады.
Шәһәр буйлап сәяхәттән гомуми хис-кичерешләрен приютта тәрбияләнүче Валерия Ананьева үз иншасында чагылдырды: «Менделеевскида тарих һәм хәзерге заман бер-берсен тулыландырып тора, хезмәт энергетикасы, иҗат, яшьләр өчен яңа ачышлар һәм перспективалар белән баета».