«Здравушка» почта эше серләрен ачты
Бүген һөнәри юнәлеш бирү эше кысаларында Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр шәһәрнең почта бүлекчәләрендә экскурсиядә булдылар.
Бу юлы балаларга почта эше серләре аңлатылды.
Почта филиалы администраторы белән бергә «Здравушка» белгечләре балаларга илнең иң борынгы дәүләт оешмаларының эшенең төп нечкәлекләрен күрсәттеләр.
Балалар хат ташучыларның, кассирларның профессиональ серләрен белделәр.
Шулай ук балалар шәһәр урамнарында һәр почта тартмасының җибәрелгән хатлардан катгый билгеләнгән вакытта чистартылуын белделәр. Бу аның тулып китүенә юл куймаска һәм корреспонденцияне алучыларга тиз арада җиткерүне тәэмин итәргә мөмкинлек бирә.
Оешма вәкилләре балаларга бик күп аеру үзәкләре һәм аларда булган вакансияләр, конвертны рәсмиләштерү кагыйдәләре, шулай ук почта хезмәткәрләренә эләгә торган иң сирәк маркалар турында сөйләделәр.
«Здравушка» карамагындагы барлык балалар да «Россия почтасы»ның кызыклы эш процессыннан зур тәэсир алды.