«Шәфкать» үзәге тернәкләнүчеләре тегү остаханәсендә шөгыльләнә
Татарстан Республикасы Кукмара муниципаль районының «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә тегү остаханәсендә дәресләрдә балалар «Тукыма кисәкләреннән мозаика» техникасын өйрәнделәр.
Мондый гамәли эшчәнлек төре балаларны игътибар концентрациясенә өйрәтә һәм хәтерне үстерә. Төрле бизәкләр ясап, бала композиция ритмын сакларга тиеш. Тукыма кисәкләреннән тегү техникасы сызым күнекмәләрен үстерергә ярдәм итә, төп геометрик төшенчәләр белән таныштыра.
Эшләнмә ясаганда тукыма кисәкләрен куллану хезмәтне мавыктыргыч ясый. Төрле фактурадагы тукыма кисәкләрен бүлеп, тәрбияләнүчеләр тактиль сизгерлек һәм кулларның вак моторикасын үстерә. Тегү нигезләрен өйрәнү халык иҗаты традицияләренә ихтирамлы һәм сак караш тәрбияли, шул рәвешле балалар һөнәрнең барлыкка килү тарихы белән танышалар.