«Астра» тернәкләндерү үзәгендә тәрбияләнүчеләр шәһәр даруханәсендә булдылар

2022 елның 16 июне, пәнҗешәмбе

Һөнәри юнәлеш бирү эше кысаларында Алабуга «Астра» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр шәһәр даруханәләренең берсендә булдылар.

Даруханәнең хезмәткәрләре үз һөнәрләре турында үтемле итеп сөйләделәр, витриналарны рәсмиләштерү, дару чараларының ассортименты белән таныштырдылар, балаларга бинада үз-үзеңне тоту кагыйдәләре турында сөйләделәр.

Һөнәри юнәлеш бирү эшендә иң мөһиме – һөнәргә чуму. Экскурсия кысаларында балалар үзләрен фармацевт ролендә сынап карадылар: ак халат киделәр, кулларында рецепт тоттылар, дарулар саттылар, касса аппараты белән эшләделәр.

Һөнәри юнәлеш бирүче чара ахырында тернәкләндерү үзәгендә тәрбияләнүчеләр татлы һәм файдалы бүләкләр алдылар.