Баулы «Я СМОГУ» үзәге командасы ГТО нормативларын тапшыруда катнашты
13 май көнне Башкортостан Республикасының Октябрьский шәһәрендә мөмкинлекләре чикләнгән кешеләр өчен «Хезмәткә һәм оборонага әзер» Бөтенроссия физкультура-спорт комплексы нормативларын тапшыру узды. Нормативларны тапшыруга Баулы шәһәреннән «Я СМОГУ» мөмкинлекләре чикләнгән кешеләргә ярдәм итү буенча автоном коммерцияле булмаган оешма да кушылды.
Нормативларны кабул итү һәм тапшыруны «Сәламәт яшә» АКБО Октябрьский шәһәре җитәкчелеге белән берлектә оештырды.
Чарада 80нән артык кеше катнашты. Командаларда катнашучылар Татарстан һәм Башкортстанның коммерцияле булмаган һәм дәүләт социаль учреждениеләре вәкилләре иде. Программаны үтәү өчен биш нормативны үтәргә кирәк иде.
«Я СМОГУ» үзәге командасының тугыз катнашучысы (10 яшьтән алып 65 яшькә кадәр) 1.5 ай дәвамында нормативларны тапшыруга актив әзерләнделәр һәм лаеклы нәтиҗәләр күрсәттеләр.
ГТО нормативларын тапшыру һәм физик әзерлек эше дәвам итәчәк, дип билгеләп үттеләр «Я СМОГУ»үзәгендә.