Яшел Үзәндә мәҗбүри күченүчеләр өчен вакантлы эш урыннары ярминкәсе узды
Бүген «Васильевский» санаторие базасында вакытлыча урнаштыру пунктында Яшел Үзән халыкны эш белән тәэмин итү үзәге белгечләре Луганск һәм Донецк халык республикаларыннан мәҗбүри күченүчеләр өчен вакантлы эш урыннары мини-ярминкәсе уздырганнар.
«ЭРЛ СИСТЕМ» ҖЧҖ һәм Россия Җәзаларны үтәү федераль хезмәте идарәсенең 5 нче төзәтү колониясе федераль казна учреждениесе эш эзләүчеләргә 11 вакансия тәкъдим иттеләр, алар арасында суыткыч җиһазларын монтажлаучы, суыткыч җиһазларына сервис хезмәте күрсәтү буенча белгеч, хезмәтне саклау һәм куркынычсызлык техникасы буенча инспектор, баш энергетик, инженер-техник тәэмин итү технигы, янгын сүндерүче, тәэмин итү бүлеге инженеры һ. б. бар.
Вакантлы эш урыннары ярминкәсе нәтиҗәләре буенча 32 граждан арасыннан 10 кеше кабат әңгәмәгә язылды.
