«Обнаженные сердца» фонды конференция үткәрә
18-19 апрельдә Санкт-Петербургта «Обнаженные сердца» Фонды «Аутизм бозылулары булган мәктәпкәчә һәм кече яшьтәге мәктәп балалары һәм аларның гаиләләре өчен нәтиҗәле ярдәм программалары» дигән конференция үткәрә.
Белгечләр үз тәҗрибәләре, шулай ук Россия регионнарында иң яхшы халыкара тәҗрибәне куллану турында сөйләячәкләр. Спикерлар арасында «Обнаженные сердца» фонды экспертлары Довбня Святослав һәм клиник психолог Татьяна Морозова, Санкт-Петербургның Фрунзе районының 53 нче балалар бакчасы директоры Надежда Третьякова, Мәскәү шәһәре Мәгариф һәм фән департаментының шәһәр психологик-педагогик үзәгенең аутист балаларны алып бару технологияләре лабораториясе җитәкчесе Анастасия Козорез, фәнни нигезләнгән практика өчен психологлар һәм психиатрлар ассоциациясе президенты Анна Портнова, «Антон тут рядом» Хәйрия фондын гамәлгә куючысы Любовь Аркус, Новгородның «Аутизм победим» коммерцияле булмаган автоном оешмасы җитәкчесе Станислав Русинов бар иде.
Конференциядә Фрунзе районының 53нче номерлы катнаш төрдәге балалар бакчасында уңышлы тормышка ашырыла торган инклюзия моделе тәкъдим ителәчәк. Программада түбәндәге темаларга багышланган секцияләр эшли: ярдәмнең заманча һәм нәтиҗәле программалары, аутизм буенча клиник тәкъдимнәр, уен һәм уртак игътибар үсеше, коммуникацияне, телне һәм сөйләмне үстерү.
Конференция аутизмлы балалар белән шөгыльләнүче белгечләргә – коммерциячел булмаган оешмалар, мәктәпкәчә учреждениеләр хезмәткәрләре, логопед, тәрбиячеләр, психологлар, социаль хезмәткәрләргә юнәлдерелгән. Шулай ук төрле яшьтәге балалар тәрбияләүче гаиләләр дә чакырыла. Аерым пленар утырыш аутист балаларның ата-аналары тәҗрибәсенә багышланачак.
Теркәлергә һәм чараның программасын карарга түбәндәге сылтама буенча мөмкин: https://nakedheart.ru/news/18-i-19-aprelya-proidet-konferentsiya-o-programmah-rannei-pomoschi-dlya-detei-s-ras.