«Здравушка» тернәкләндерү үзәгендә «Кояшлы куян» дигән чара узды
Бүген Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә «Кояшлы куян» дигән чара узды. Ул Бөтендөнья Даун синдромлы кешеләр көне кысаларында узды.
Әлеге чарага шундый авырулы балалар тәрбияләүче гаиләләр чакырылган иде. Программа үзәкнең табиб-педиатры Татьяна Безрукова чыгышыннан башланды. Ул диагнозның табигате турында һәм Даун синдромлы танылган кешеләр турында сөйләде.
Лекциядән соң балалар өчен музыкаль уен-разминка үткәрделәр, шуннан соң кул эшләре – антропоморф кояшлар ясау буенча мастер-класс башланды. «Здравушка» тернәкләндерү үзәге коллективы бу көнне күкрәкләрдә шундый билге йөртте, чөнки Даун синдромлы халыкара кеше көненең төп бурычы – әлеге геномлы патологиягә ия булган кешеләргә ярдәм итү һәм социальләштерү.
Бәйрәм ахырында барлык балалар да кислород коктейле һәм символик бүләкләр алдылар.