«Өмет» үзәге психологы яшүсмерләр белән тренинг дәресләре үткәрде
«2014-2021 елларга Татарстан Республикасында җәмәгать тәртибен тәэмин итү һәм җинаятьчелеккә каршы тору» дәүләт программасын тормышка ашыру кысаларында 17 мартта Биектау районының «Өмет» халыкка социаль хезмәт күрсәтү комплекслы үзәге психологы «Уңышлы булырга өйрәнәбез» дигән темага тренинг дәресләре үткәрде. Чарада 44 балигъ булмаган бала катнашты.
Дәрес башында катнашучылар анкета ярдәмендә үзләренең хис-тойгыларын, активлык һәм кәеф дәрәҗәсен билгеләделәр. «Кораб» күнегүен үтәп, алар психологик үзпортрет алдылар.
Дәреснең гамәли өлешендә яшүсмерләр уңышлылык турында күзаллаулар формалаштырдылар, уңышка нәрсә комачаулый дигән сорауга җавап бирделәр. Уңышлылыкны бозучы факторлар арасында стрессны үти белмәү, стресс һәм конфликтлы ситуацияләрдә үз-үзеңне тоту күнекмәләренең формалашмавы, бәйле үз-үзеңне тоту формалары булуы аталды. Шулай ук балалар тискәре эмоцияләргә каршы көрәш ысулларын да өйрәнделәр.
Дәресләр балигъ булмаганнар арасында стресска карата үз-үзләрен җайга салу һәм толерантлык дәрәҗәсен күтәрүгә ярдәм итте.
Ахырда яшүсмерләргә балалар ышаныч телефоны, аның эш принциплары турында сөйләделәр. Алар барысы да ярдәм хезмәте номеры язылган ручкалар алдылар.