«Астра» тернәкләндерү үзәгендә Халыкара кышкы спорт төрләре көнен билгеләп үттеләр

2022 елның 21 гыйнвары, җомга

20 нче гыйнварда Алабуга «Астра» мөмкинлекләре чикле балалар һәм яшүсмерләр өчен тернәкләндерү үзәгендә Халыкара кышкы спорт төрләре көненә һәм Махсус Олимпиадага багышланган бәйрәм чарасы узды.

Очрашуны күңелле бию флешмобы белән ачып җибәрделәр, анда тернәкләнүчеләр, ата-аналар һәм үзәк хезмәткәрләре катнашты. Бәйрәм өч мәйданчыкта узды. Аларның берсендә Махсус Олимпиада программалары элементлары белән спорт эстафетасы оештырылды, икенчесендә катнашучылар карда Олимпиада символикасын ясадылар. Чараның өченче мәйданчыгында балалар атта йөрделәр.

Соңыннан катнашучылар истәлекле призлар белән бүләкләнде. Барысы да күтәренке кәеф, уңай эмоцияләр һәм яхшы кәеф алдылар.