Минзәлә районы халыкка социаль хезмәт күрсәтү үзәге психологы балалар өчен тренинг үткәрде

«Яхшы үзгәрешләр» программасын тормышка ашыру кысаларында Минзәлә районы халыкка социаль хезмәт күрсәтү комплекслы үзәге психологы Гөлназ Илдарханова кадет интернат-мәктәбе базасында тренинг үткәрде.

«Эмоция» уены ярдәмендә балалар вакыйгаларга дөрес җавап бирергә, үз хисләрен һәм кичерешләрен аңларга, алар белән уртаклашырга, әйләнә-тирәдәгеләрнең хис-тойгыларына игътибарлы булырга өйрәнделәр.

Дәрес ахырында балаларга «Ачу вакытында нишләргә» дигән белешмәлек төзергә тәкъдим ителде. Психолог укучыларга тренингта актив катнашканнары өчен рәхмәт белдерде.