Буа интернат-йорты карамагындагылар йога белән шөгыльләнә

2021 елның 18 ноябре, пәнҗешәмбе

«Демография» милли проектын тормышка ашыру кысаларында Буа өлкәннәр һәм инвалидлар өчен интернат-йортында «Йога – алтын яшь зирәклеге» программасы буенча дәресләр уңышлы дәвам итә.

Өлкән яшьтә буыннар хәрәкәтлеген, активлыкны саклау бик мөһим. Йога дәресләрендә социаль хезмәт алучылар физик һәм психик сәламәтлеген яхшырта, шул рәвешле аларның тормыш сыйфаты арта. Һәр дәресне интернат-йортта яшәүчеләр көтеп ала, чөнки йога көчне торгызырга, энергия бирә.