Быел #ЮмартСишәмбе 30 ноябрьдә узачак
#ЮмартСишәмбе – ул Бөтендөнья хәйрия көне. Әлеге мәгълүмати кампаниянең максаты – социаль юнәлешле коммерциячел булмаган оешмалар, бизнес, массакүләм мәгълүмат чаралары, җирле берләшмәләр вәкилләренең Россиядә хәйрия мәдәниятен, иреклеләр хәрәкәтен үстерү максатларында хезмәттәшлеге өчен шартлар тудыру.
2021 елда #ЮмартСишәмбе 30 ноябрьдә үткәрелә, инициатива кысаларында чаралар 2021 елның 20 ноябреннән 4 декабренә кадәр узачак.
#ЮмартСишәмбе инициативасында теләсә нинди сәяси булмаган юридик һәм шәхси затлар катнаша ала. Катнашучылар акцияләр форматын,акча җыю максатларын һәм механизмнарын сайлап алуда ирекле.
Социаль җаваплы компанияләргә #ЮмартСишәмбе җәмгыятькә үзенең социаль эшчәнлеге турында хәбәр итәргә, хезмәткәрләр арасында иреклеләр хәрәкәтен активлаштырырга мөмкинлек бирә.
Россия Федерациясендә инициативаны «КАФ» Филантропиягә ярдәм итү һәм аны үстерү фонды оештыра. #ЮмартСишәмбе инициативасы Президент грантлары фонды ярдәмендә тормышка ашырыла.