«Тәтеш балкышы» үзәге пенсионерларны вакцинацияләү пунктына китерүне оештыра

«Тәтеш балкышы» халыкка социаль хезмәт күрсәтү комплекслы үзәге социаль хезмәткәрләре һәм белгечләре социаль хезмәт алучылар белән яңа коронавирус инфекциясеннән вакытында прививка ясатуның мөһимлеге турында аңлату эшләре алып баралар.

9 ноябрь көнне бүлек мөдире һәм социаль хезмәткәр кергән мобиль бригада хезмәт алучы ике пенсионерны вакцинацияләү пунктына илтүне оештырды. Өлкән кешеләр анкета тутырдылар, ә прививка алдыннан аларны табиб-гериатр тикшерде.

Бу юнәлештә Тәтеш районында эш дәвам итә.