«Изгелек» тернәкләндерү үзәгендә иҗади дәрес узды

2021 елның 11 ноябре, пәнҗешәмбе

Бүген Яр Чаллы шәһәренең «Изгелек» инвалидларны тернәкләндерү үзәгенең социаль эш буенча белгече кулларның вак моторикасын яхшырту һәм декоратив-гамәли иҗатка кызыксыну уяту максатыннан чара үткәрде.

Башта кайчы белән эшләгәндә куркынычсызлык техникасын кабатладылар, ә аннары катнашучылар гәҗиттән трубочкалар үрүгә керештеләр. Белгеч эш өчен кирәкле барлык инструкцияләрне дә биреп торды.

Чарада барлыгы биш кеше катнашты. Алар барысы да кул астындагы материаллардан оригиналь эшләнмәләр ясарга өйрәнде.