«Кояшкай» тернәкләндерү үзәгендә дәүләт бәйрәмнәре турында әңгәмә уздырылды
Бүген Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәге тәрбиячесе Н. В. Савайтан «Бердәмлектә безнең көч» дигән танып-белү дәресе үткәрде. Балаларның дәүләт бәйрәмнәре турында белемнәрен киңәйтүгә, патриотик хисләр тәрбияләүгә юнәлдерелгән чарада өлкән яшьтәге тернәкләнүчеләр катнашты.
Балалар зур кызыксыну белән бәйрәмнең тарихы турында презентация карадылар, дәүләт символлары турында белемнәрен ныгыттылар. Тәрбияләнүчеләр шулай ук туган ил турында шигырьләр сөйләделәр, җырлар җырладылар, мәкальләр һәм әйтемнәр искә төшерделәр, Россия халыклары уеннары уйнадылар. Татарстан Республикасы Конституциясе көне турында да сөйләштеләр.
Мондый чаралар патриотик хисләр тәрбияләп кенә калмыйча, төрле милләт кешеләренә карата толерант мөнәсәбәт тә формалаштыра.