«Өмет» үзәге дәүләт бәйрәме уңаеннан чаралар оештырды

Кайбыч муниципаль районының «Өмет» халыкка социаль хезмәт күрсәтү комплекслы үзәге белгечләре Халыклар бердәмлеге көне уңаеннан берничә чара уздырдылар.

Шулай итеп, 3 нче социаль участокта гаиләгә һәм балаларга социаль ярдәм бүлекчәсе белгечләре «Бердәмлектә безнең көч» дигән әңгәмә һәм «Минин һәм Пожарский – туган җирне саклаучылар» дигән викторина оештырдылар. Чарада социаль хезмәт алучылар балигъ булмаган балалар катнашты.

Очрашуның беренче өлеше тарихка багышланган иде, ә икенче өлеше балаларны уртак иҗади эшчәнлек ярдәмендә берләштерүгә юнәлдерелгән иде. Бәйрәм хөрмәтенә балалар тематик плакат, шулай ук бердәмлек һәм күпмилләтлелекне символлаштырган кул эшләре ясадылар. Чара күңелле уеннар белән тәмамланды.