«Ак кул таягы» айлыгы дәвам итә
Алабуга өлкәннәр һәм инвалидлар өчен интернат-йортында «Ак кул таягы» айлыгы кысаларында тематик чара узды. Мәдәни ялны оештручы Любовь Капина һәм хезмәт буенча инструктор Светлана Исмәгыйлева күрмәүче кешенең атрибуты – ак кул таягы, рельефлы-нокталы шрифтны уйлап табучы кеше, дөньяда күрмәүче һәм начар күрүче кешеләрнең саны, үзләренең сәләтләренә лаеклы куллану тапкан уникаль шәхесләр турында сөйләделәр.
Шулай ук өлкәннәр композитор, автор-башкаручы, продюсер һәм педагог Д. Бикчәнтәев турында белделәр. Ул 11-16 яшьлек өч күрмәүче укучыдан торган НеЗаМи» ансамблен җитәкли.
Чара барышында, күрү буенча инвалид булуга карамастан, учреждение тормышында актив катнашкан интернат-йортта яшәүчеләрне дә искә төшерделәр – бу Владимир Яшин һәм Геннадий Рубцов.