«Россия – социаль ил» программасында катнашучылар лекция материаллары белән таныша ала
Россиянең Махсус Олимпиадасы һәм «Ноосфера» Мәгарифкә ярдәм фонды «Россия – социаль ил» программасын гамәлгә ашыра башлады. Бу үсешендә үзенчәлекләре булган балалар тәрбияләүче гаиләләргә нейропсихологик мәгълүмати ярдәм күрсәтү буенча комплекслы укыту онлайн-программасы.
Программада катнашучылар өчен барлык лекция материаллары 20 октябрьдән россиясоциальнаястрана.рф проектының рәсми сайтында урнаштырылган. Лекцияләр нейропсихология, коррекция педагогикасы, арт-терапия һәм башка профильле юнәлешләр буенча югары квалификацияле белгечләр тарафыннан әзерләнгән.
Материаллар өч юнәлеш буенча бүленгән:
- Акыл һәм баш мие;
- Хәрәкәт һәм баш мие;
- Хисләр һәм баш мие.
Проектка нәтиҗәләр 12 декабрьдә, РФ Конституциясе көнендә ясалачак. Бу вакытка кадәр лекция материаллары белән танышырга була.
Конкурс кагыйдәләре турында соңрак игълан ителәчәк. Барлык актуаль мәгълүмат «Россия – социаль ил» проекты сайтында һәм «Ноосфера» Мәгарифкә ярдәм фондының социаль челтәрләрдәге аккаунтларында урнаштырыла.