Яшел Үзән мәшгульлек үзәгенең күчмә офисы чираттагы чара үткәрде

2021 елның 15 октябре, җомга

13 октябрь көнне Яшел Үзән шәһәре халыкны эш белән тәэмин итү үзәгенең күчмә офисы Зур Ключи авыл җирлеге Башкарма комитетына барып кайтты. Мәшгульлек үзәге белгече тарафыннан 13 гражданга консультация хезмәтләре күрсәтелде. Сораулар мәшгульлек, һөнәри белем бирү һәм яңадан укыту, эшсезлек буенча пособие түләү тәртибе һәм шартлары, эшмәкәрлек эшчәнлеге рәвешендә үзмәшгульлек һәм җәмәгать эшләрен оештыру мәсьәләләренә кагылышлы иде.

Мобиль офис эше кысаларында 9 кеше яңадан рәсмиләштерү узды.