«Кайгырту» приютында тәрбияләнүчеләр белән Туган телләр һәм халыклар бердәмлеге елы кысаларында дәрес үткәрделәр
Алексеевск районының «Кайгырту» балалар һәм яшүсмерләр өчен социаль приюты тәрбиячесе Елена Зверева мәктәпкәчә яшьтәге балалар белән әкиятләр уку буенча дәрес үткәрде. Чара Татарстан Республикасында Туган телләр һәм халыклар бердәмлеге елына багышланган иде.
Очрашу башында балалар Казах халык әсәрләренең яраткан персонажы – тылсымлы Тулпар аты белән таныштылар, үзләре өчен таныш булмаган сүзләрнең әһәмиятен белделәр. Соңыннан балалар «Тулпар» халык әкиятен игътибар белән тыңладылар, аның эчтәлеге буенча сорауларга җавап бирделәр, геройларның характерын һәм гамәлләрен бәяләделәр. Балалар Казах халык әкиятен башка халыкларның әкиятләре белән чагыштырдылар һәм халык авыз иҗатының барлык әсәрләрендә дә саранлык һәм ахмаклыктан көләләр, ә яхшылык явызлыкны җиңә, дигән нәтиҗәгә килделәр. Дәрес ахырында мәктәпкәчә яшьтәге балалар матур иллюстрацияләр ясадылар, аларда үзләренә ошаган геройларны сурәтләделәр.
Әлеге чарада социаль приютта тәрбияләнүче сигез бала катнашты.